Bugun raqamli texnologiyalar va texnologik taraqqiyot asrida, afsuski, qo’llardagi kitoblar kamroq va kamroq paydo bo’layotganini ko’rishingiz mumkin. 21 may – Kutubxonachilar kasb bayrami kuni, aslida bu juda muhim va zarur bayram. Kutubxona har bir inson oldida ertak, fantaziya, fan yoki muhabbatning sehrli olamini ochadi. Hech narsa kitob javonlari hidiga tenglasha olmaydi. Har bir kitob nafaqat unga jonini bag‘ishlagan yozuvchining, balki uni qo‘liga olgan, chetiga qalam bilan yozib qo‘ygan yoki go‘zallikka shunchaki tegib turgan kitobxonlarning ham butun hayotidir. Muvaffaqiyatli hayot yo’li, albatta, kutubxonaga boradigan yo’ldan boshlanishi kerak. Chunki hech qanday elektron kitoblar kitobning varaqlari shitirlashini beradigan bilim va donolikning o’rnini bosa olmaydi.
2019-yildan buyon O‘zbekistonda 21-may «Kutubxonachilar kuni» sifatida nishonlab kelinadi. 2023-yil 19-may sanasida Toshkent davlat transport universitetida «O’zbekiston Respublikasi kutubxonachilari kasb bayrami» keng nishonlandi.
Tadbirda universitet O‘quv ishlari bo‘yicha prorektor A.A. Gulamov, Kasaba uyushmasi raisi I. Xolboyev, Yoshlar bilan ishlash, ma’naviyat va ma’rifat bo‘limi xodimlari hamda Axborot-resurs markazi xodimlari ishtirok etdi.
Tadbirga mehmon sifatida tashrif buyurgan Go‘zalxonim Payziyeva ishtirokchilarni kelayotgan kasb bayrami bilan qutlab, o‘z ijodi bilan ularni bahramand qildi
Uzoq vaqt halol mehnati va axborot-kutubxona sohasini rivojlantirishga qo’shgan hissasi uchun Axborot-resurs markazining bir nechta xodimlari A.A. Gulamov tomonidan Tashakkurnomalar bilan taqdirlandilar.
Axborot-resurs markazi xodimlari universitet kasaba uyushmasi tomonidan sovg‘alar bilan taqdirlandi.
